काठमाडौँ । नेकपा एमाले अध्यक्ष केपी शर्मा ओलीले भ्यु टावर उद्घाटन गर्ने भएका छन् । उनले धरहरापछि सबैभन्दा ठूलो भनिएको तिलोत्तमा नगरपालिका २ मा निर्माण भएको भ्यु टावर उद्घाटन गर्ने भएका हुन् ।

करिब एक सय ३४ फिट अग्लो १० तले भ्यु टावरको उद्घाटन एक कार्यक्रमका माझ अध्यक्ष ओलीले गर्ने भएका हुन् । लिफ्टसहितको सुविधा भएको भ्यु टावरभित्र रेष्टुरेन्ट, विश्रामस्थल, डिपार्टमेन्टल स्टोर, पुस्तकालय, शौचालयलगायतको सुविधा रहेको छ । भ्यु टावरबाट भारतको गोरखपुरसम्म देख्ने बताइएको छ ।

कपिलवस्तुका स्वतन्त्र सांसद बृजेशकुमार गुप्तालगायत नेता कार्यक्रतालाई पार्टी प्रवेश गराउन सोमबार कपिलवस्तु पुगेका ओली आज दिनभर रुपन्देहीमा आयोजना हुने कार्यक्रममा सहभागी हुने भएका छन् ।