काठमाडौँ । बसन्तपुरस्थित गद्दी बैठक आज मंगलबारदेखि खुला गरिएको छ । संस्कृति पर्यटन तथा नागरिक उड्ययन मन्त्रालयका सचिव महेश्वर न्यौपानेले अपराह्न ४ बजे एक कार्यक्रम गरी गद्दी बैठक उद्घाटन गर्ने तयारी भएको हो ।
०७२ सालको विनाशकारी भूकम्पका कारण क्षति पुगेको गद्दी बैठकलाई अमेरिकाको एम्बासडर्स फण्ड फर कल्चरल प्रिजर्भेसनअन्तर्गत मिया मोटो भन्ने कम्पनी र संस्कृति सम्पदा कोषले साच लाख डलर सहयोगमा पुनर्निर्माण गरिएको हो ।भूकम्पसँगै बन्द रहेको गद्दी बैठक सर्वसाधारणका लागि खुला गरिने तयारी गरेको हो ।
गद्दी बैठकको निर्माण सम्पन्न गरी ०७५ असार १३ गते अमेरिकी राजदूतावासले नेपाल सरकारलाई हस्तान्तरण गरेको थियो । सोही दिन तत्कालीन प्रधानमन्त्री केपी शर्मा ओलीले गद्दी बैठक उद्घाटन गरेका थिए ।
पृथ्वी वीर विक्रम शाह राजा हुँदासम्म विशिष्ट विदेशी पाहुनाको स्वागत एवं ओहोदाको प्रमाणपत्र प्रस्तुत गर्न गद्दी बैठक उपयोग गरिन्थ्यो । राजदरबार नारायणहिटी सरेपछि गद्दी बैठक इन्द्रजात्रामा राष्ट्राध्यक्ष, सरकार प्रमुखलगायत विशिष्ट व्यक्ति आएर बस्ने स्थलका रूपमा उपयोग हुने थालेको थियो ।
विदेशीलाई स्वागत गर्न विशिष्ट किसिमको छुट्टै बैठक कक्षको आवश्यकता महसुस गरेर तत्कालीन प्रधानमन्त्री चन्द्र शमशेरले वि. सं. १९६५ मा युरोपेली वास्तु शैलीमा गद्दी बैठक निर्माण गरेको देखिन्छ ।
तर, पुनर्निर्माण सकिए पनि भित्रको व्यवस्थापन मिलाउन बाँकी रहेकाले सर्वसाधारणका लागि खुला गरिएको थिएन । गद्दी बैठक अवलोकनको लागि सर्वसाधारणले अतिरिक्त शुल्क तिर्नु नपर्ने दरबार हेरचाह अड्डाले जनाएको छ ।
यो पनि हेर्नुहोस् : पृथ्वीनारायणले प्रयोग गरेको गद्दी बैठक सर्वसाधारणले हेर्न पाउने