काठमाडौं- बर्दिया बासगढी नगरपालिका-१ देउरालीस्थित सडकमा लु.२ ख ८७३ नम्बरको ट्रक सडकबाट करिब ६० मिटर तल खसेर सोमबार बिहान दुर्घटना हुँदा ट्रक चालक नुवाकोट सूर्यगढी गाउँपालिका-४ बस्ने ३८ वर्षीय सोम बहादुर तामाङको घटनास्थलमै मृत्यु भएको छ । घाइते भएका ट्रकका सहचालक रुपन्देही ओमसतिया गाउँपालिका-५ बस्ने २२ वर्षीय अनिल हरिनलाई उपचारको लागि मेडिकल कलेज कोहलपुरमा पठाइएको छ ।
बाँके जानकी गाउँपालिका-६ कोठारपुरस्थित सडकमा भे.१० प ४७३० नम्बरको मोटरसाइकल र भे.५ प ४४४० नम्बरको मोटरसाइकल एक आपसमा ठक्कर खाई सोमबार बिहान दुर्घटना हुँदा भे.१० प ४७३० नम्बरको मोटरसाइकलमा सवार भारत उत्तर प्रदेश बस्ने ६० वर्षीय छत्तिस दुबेको मृत्यु भएको छ । दुर्घटनामा गम्भीर घाइते भएका उनको उपचारको लागि मेडिकल कलेज कोहलपुरतर्फ लैजाने क्रममा बाटोमै मृत्यु भएको हो । साथै दुर्घटनामा घाइते भएका भे.५ प ४४४० नम्बरको मोटरसाइकल चालकलाई उपचारको लागि मेडिकल कलेज कोहलपुर पठाइएको छ । भे.१० प ४७३० नम्बरको मोटरसाइकल चालकलाई प्रहरीले नियन्त्रणमा लिएको छ ।
मोरङ बुढिगंगा गाउँपालिका-१ गंगाचौकस्थित सडकमा ना.३ ख २३९ नम्बरको कन्टेनरमा स.१० प २८८६ नम्बरको मोटरसाइकल सोमबार दिउँसो ठक्कर खाँदा मोटरसाइकल चालक टंकिसिन्वारी बस्ने २५ वर्षीय किशोर कुमार माझीको मृत्यु भएको छ । दुर्घटनामा गम्भीर घाईते भएका उनको बिराट मेडिकल कलेज टिचिङ अस्पताल विराटनगरमा उपचारको क्रममा मृत्यु भएको हो । कन्टेनर चालकलाई प्रहरीले नियन्त्रणमा लिएको छ ।