नयाँदिल्ली- वर्षातको मौसममा नै हो, आफ्नो किचन गार्डेनलाई हराभरा बनाउने पनि। पछिल्ला वर्षमा किचन गार्डेनको लहर संसारभर छ। खासगरी, कोभिड-१९ महामारीपछि किचन गार्डेनको लहर चलेको हो।

शहरहरू कंक्रिटको जंगलमा रूपान्तरित हुँदै जाँदा खेतीको चलन हराएको छ। र, मानिसले आफ्नो घर परिसर, छत र घरभित्रकै खाली ठाउँमा गमलामा सब्जी उब्जाउन थालेका छन्। सब्जी मात्र होइन, कलमी गरिएका फलफूलका बिरुवा पनि फस्टाउन थालेका छन्।

दाल र तरकारीमा हरियो धनियाँ र पुदिना नहाली स्वाद आउन छाडिसकेको छ। र, ती मसलाजन्य वस्तु किचन गार्डेनमै पाइन थालेको छ, बजारप्रतिको निर्भरता घट्दो छ।

सानो ठाउँ नै सही, तुलसी, लेमन ग्रास, पुदिना, धनियाँ, रायोको साग र हरियो खोर्सानी गमलामै रोप्न सकिन्छ। तुलसी पत्ताबाट ऊर्जा, कार्बोहाइड्रेट, प्रोटिन, भिटामिन ए, भिटामिस सी र डाइटरी फाइबर पाइन्छ।

लेमन ग्रासबाट ऊर्जा, कार्बोहाइड्रेट, प्रोटिन, भिटामिन ए, भिटामिन सी, पुदिनाबाट कार्बोहाइड्रेट, प्रोटिन, भिटामिन ए, भिटामिन सी र डाइटरी फाइबर प्राप्त हुन्छ।

धनियाँबाट पनि कार्बोहाइड्रेट, प्रोटिन, भिटामिन ए, भिटामिन सी र डाइटरी फाइबर प्राप्त गर्न सकिन्छ। रायोको सागबाट पनि तिनै पोषक तत्त्व प्राप्त हुन्छ।

त्यसैले सानो ठाउँ मात्र पाउँदा पनि यी वस्तु रोपेर किचन गार्डेन सजाउन विज्ञहरूको सुझाव छ।