काठमाडौँ । नेकपा एकीकृत समाजवादीनिकट पत्रकार संगठनको एक कार्यक्रममा पार्टी अध्यक्ष माधव कुमार नेपाल नाचेर रमाएका छन् । केही कलाकारले गीत गाएर स्टेजमा नाचिरहँदा अध्यक्ष नेपालललाई एक महिलाले बसेको आसनबाट तानेर नाच्न आग्रह गरेकी थिइन् ।
गीतमा एमाले अध्यक्ष केपी शर्मा ओलीविरोधी नेताहरू भीम रावल र घनश्याम भुसाललाई तारो बनाइएको प्यारोडी गीत गाइएको थियो । उक्त गीतमा अध्यक्ष नेपाल नाचेर रमाएरका हुन् ।
समाजवादी प्रेस संगठन नेपाल आजको बैठकमा अध्यक्ष नेपाल प्रमुख अतिथि थिए । जेबी टुहुरेको चर्चित जनवादी गीत ‘आमा दिदी बहिनी होलाई प्यारोडीको बनाएर भनिएको थियो, ‘भीम रावल, घनश्याम कति बस्छौ लाछी भइ बार्दलीको दासी बनेर ।’
मुस्कुराउँदै थपडी बजाएर कलाकारसँग रमाएका अध्यक्ष नेपाललाई अर्का एक महिलाले हात समातेर नचाएकी थिइन् । यस क्रममा अध्यक्ष नेपालले पनि केहीबेर नाचेका थिए ।