कैलाली- सामान्य पानी पर्दा समेत धनगढी डुबानमा परेको छ । बिहान देखि परेको पानीका कारण धनगढीको शिवनगर, सेतोपुल, बिशानगरका अधिंकाश भु-भाग डुबानमा परेका छन्।

सेतोपुल खोलाको पानी घरमा पसेपछि धनगढी उपमहानगरपालिको नगर प्रहरी र जिल्ला प्रहरी कार्यालयको टोलि पानी निकास र उद्दारा लागेको छ ।

सेतोपुल स्थित शिव कुमारी उपाध्याय (७८) को घरमा पानी पस्दा, खाद्यान्न, लत्ता कपडा, कागजपत्र सबै नस्ट भएका छन । पानीले दुई कोठे पक्की घर र दुईटा कच्ची घरमा क्षति पुर्‍याएको छ ।

घरमा पानी पसेपछि पुगेको नगर प्रहरीले त्यहाँ रहेका समाग्री सुरक्षित स्थानमा सार्न सहयोग गरेको थियो ।