मनिष अर्याल

काठमाडौँ । ललितपुरको जावलाखेलमा २३ औँ फ्लोरा एक्स्पो २०७८ प्रदर्शन भइरहेको छ । गत बिहीबारदेखि सुरु भएको एक्स्पो भोलि आइतबारसम्म हुने छ ।

एक्स्पोमा हजारौँ दर्शक पुगेको आयोजकले जनाएको छ । कोरोना भाइरसका कारण धरासायी बन्दै गएको पुष्प व्यवसायको विकासका लागि प्रदर्शन भएको हो ।

नेपालमा हरेक वर्ष अर्बौ रुपैयाँ बराबरको फूल विदेशबाट आयात हुँदै आएको छ । मूलतः चाडपर्वको अवसरमा विदेशबाट फूल आयात हुने गरेको छ ।

यसैबीच, फूललाई देशभित्रै आत्म निर्भर बनाउने उद्देश्यका साथ हरेक वर्ष फ्लोर एक्स्पो हुँदै आएको छ ।