काठमाडौँ । १६ वर्षीया नाबालिग कलाकारलाई बलात्कार गरेको आरोपमा अभिनेता पल शाहविरुद्ध जिल्ला अदालत तनहुँमा ११७ वटा प्रमाण तथा कागजात पेश भएको छ ।

सरकारी वकिलको तर्फबाट अदालतमा ११७ वटा प्रमाणको काजगपत्र पेश गरिएको हो ।

अभिनेता शाहविरुद्ध सबै अनुसन्धान सकेर चैत ८ गते अदालतमा मुद्दा गरिएको थियो । मुद्दामा उनीविरुद्ध १४ वर्षको जेल सजाय माग दाबी गरिएको छ ।

प्रमाणमा पीडितको स्वास्थ्य परीक्षणको रिपोर्ट, पीडितले घटनाका सम्बन्धमा दिएको विवरणको अडियो भिडियो, पलसँगको कल रेकर्डलगायत समावेश गरिएको छ ।

यस्तै, वास्तविक नाम थर गोप्य राखिएको बन्दी खाम, बयान तथा अडियो भिडियो राखिएको डीभीडी, पीडितको हस्तलिखित कागज पनि समावेश गरिएको छ ।