काठमाडौं- मुटुमा लाग्ने कुनै पनि रोगलाई मुटु रोग भनिन्छ, जुन जन्मजात पनि हुन सक्छ।
वयस्कमा हुने पनि हुन सक्छ। बाथ, मुटुरोगका किटाणुको कारणले पनि मुटु रोग लाग्न सक्छ। मुटुका नसाहरू ब्लक हुने, कोलस्टेरोल हाई अनि (मधुमेह) सुगर भएका व्यक्तिहरूमा ४० देखि ४५ वर्ष कटेपछि वंशाणुगत हुन सक्छ।
मुटुका नसाहरूमा लेयर जम्मा भएर कालान्तरमा नसा ब्लक हुने, हृदयाघातको समस्या आउन सक्छ। उच्च रक्तचापले गर्दा मस्तिष्कघात हुने, मिर्गौला फेल हुने र कहिलेकाहीं मुटुबाट निस्केको ठूल-ठूलो धमनी फुटेर सुन्निने समस्या पनि हुन्छ। ती जटिल समस्याहरू हुन्।
लक्षण
– जन्मजात मुटुरोगमा बच्चाहरूमा तौल नबढ्ने, आमाको दूध राम्रोसँग खान नसक्ने, घ्यार-घ्यार हुने र रुघाखोकी धेरै लाग्ने।
– वयस्कहरूमा छातीको देब्रेपट्टी दुख्ने, स्वाँ स्वाँ हुने।
– मुटु ढुकढुक भएको महशुस हुने, हातगोडा सुन्निने।
बच्ने उपाय
– नजिकको मुटुरोग विशेषज्ञसँग सम्पर्क राख्ने।
– नियमित व्यायाम गर्ने।
– कार्बोहाइड्रेट र फ्याट कम भएका खाना खाने।
– नुन चिनीको मात्रा कम गर्ने।
के खाने के नखाने ?
– मुटुरोग धेरै किसिमका हुन्छन्। जन्मजात हुने मुटुरोगमा खानाको खासै रोल हुँदैन। जे खाए पनि घट्ने-बढ्ने भन्ने हुँदैन।
– उच्च रक्तचाप, हृदयाघातमा नुन, चिनीजन्य खाना कम गर्ने।
– नियमित जाँचमा ध्यान दिने।
– नियमित औषधि सेवन गर्ने।