धनगढी– जिल्ला प्रहरी कार्यालय कैलालीका प्रमुख प्रहरी उपरीक्षक (एसपी) पदमबहादुर बिष्टले घुमुका रुपमा राखेका प्रहरीले यहाँका ठेकेदार र भारतीय मुलका ब्यापारीलाई फोन गरेर एसपी साबले भेट्न चाहेको भन्दै दबाव दिने गरेको पाइएको छ।
गृह मन्त्रालयको परिपत्रलाई लत्याएर घुमुवा राखेका एसपी बिष्टले तिनै घुमुवालाई परिचालन गरेर रकम असुली धन्दा शुरु गरेको आरोप लागेको हो।
नाम बताउन नचाहने एकजना ब्यापारीले भने चन्द थरका असईले आफूलाई पटकपटक फोन गरेर एसपी साबले भेट्न चाहेको भन्ने गरेको बताए। तिनै असईको अहिले प्रमोसन समेत भएको उनले बताए।
ती ब्यापारीले घुमुवा प्रहरीको कल डिटेल्स चेक गर्दा सबै कुरा छर्लङ्ग हुने भन्दै माथिल्लो निकायलाई अनुसन्धान गर्न आग्रह गरे।
यसरी ब्यापारीलाई आतंकित पारिएको बारे एसपी बिष्टले भने त्यसो नभएको बताए। उनले गोप्य सुचना संकलनका लागि सादा पोसाकमा प्रहरी भने परिचालन गरिएको स्वीकार गरे। यदि ती प्रहरीबाट गलत कार्य भएको पाइएमा अनुसन्धान गरि कानुनी कारवाही गरिने एसपी बिष्टले बताए।