काठमाडौं । जसपा नेपालका अध्यक्ष उपेन्द्र यादवले सरकार ढाल्न लागेको हल्ला चलाएरर रातारात आफ्नो पार्टी फुटाइएको आरोप लगाएका छन् । यादवले कांग्रेससँग मिलेर सरकार ढाल्न निराधार र कपोकल्पित हल्ला चलाएर आफू देशबाहिर रहेको मौका छोपेर रातारात असंवैधानिक रूपमा पार्टी फुटाएको आरोप लगाएका हुन् ।
पार्टी महाधिवेशनको तयारी भइरहेको र संस्थागत रूपमा पार्टीभित्र कुनै विवाद नआएको अवस्थामा महत्त्वाकांक्षा र व्यक्तिगत फाइदा उठाउने गरी पार्टी फुटाएको उनको आरोप छ । उनले सरकार ढाल्ने विषयमा को कसैसंग नभेटेको र छलफल नभएको प्रष्ट पारे । भने- ‘मैले कसैसँग भेटेको थिएनँ । त्यही हल्ला चलाएर म देशबाहिर रहेको मौका छोपेर पार्टी फुटाइयो ।’
अध्यक्ष यादवले निर्वाचन आयोगमको नियतमाथी पनि प्रश्ना उठाएका छन् । अध्यक्ष यादवले भने ‘संसदमा विचाराधीन रहेको अवस्थामा गैरकानुनी र असंवैधानिक ढंगले रातारात पार्टी दर्ता भएको घोषणा गरियो । नेपालको इतिहासमा यति चाँडै पार्टी दर्ताको प्रमाणपत्र दर्ता गरेको यो पहिलोचोटि होला । हामी हामी यसलाई अदालतबाट चुनौती दिन्छौँ ।’