काठमाडौं- आज ४ वटा प्रदेशका पहाडी इलाकामा हल्का वर्षाको सम्भावना देखिएको जल तथा मौसम विज्ञान विभागले जनाएको छ।

विभागका अनुसार पश्‍चिमी र स्थानीय वायुको आंशिक प्रभावका कारण आज दिउँसो पहाडी भेगमा आंशिक बदली रही देशका बाँकी भूभागमा मौसम मुख्यतया सफा रहने छ।

कोशी, गण्डकी, कर्णाली र सुदूरपश्‍चिमका पहाडी भेगका १-२ स्थानमा भने मेघगर्जन र चट्याङसहित छिटपुटदेखि हल्का वर्षा हुने सम्भावना छ। यस्तै, लुम्बिनीका केही तथा कोशी, वागमती र गण्डकीका पहाडी क्षेत्रका थोरै स्थानमा आज हावाहुरी आउने सम्भावना देखिएको छ।

आज राति कोशी, गण्डकी र कर्णालीका पहाडी भेगमा आंशिक बदली रही देशका बाँकी भूभागमा मौसम मुख्यतया सफा रहने पूर्वानुमान छ।