काठमाडौँ । ताप्लेजुङको सदरमुकाम फुङ्लिङ नगरपालिका ४ कोप्चे टोलमा शुक्रबार भएको आगलागीमा परी एक जनाको मृत्यु भएको छ । यस्तै, ६९ लाख ३० हजार रुपैयाँ बराबर धन सम्पत्तिको क्षति भएको छ ।

ताप्लेजुङ नेपाल रेडक्रस सोसाइटीका अनुसार आगलागीमा परी उक्त रकम बराबरको धनमाल क्षति भएको हो । यस्तै, दुई घरका परिवार विस्थापित हुन पुगेको रेडक्रसका प्रतिनिधि अर्जुन कार्कीले बताए ।

शुक्रबार बिहान ८ः३० बजेतिर आगलागी भएको थियो । फुङ्लिङ नगरपालिकाको दमकल प्रयोग गर्नाका साथै नेपाल प्रहरी, सशस्त्र प्रहरी, नेपाली सेना र स्थानीयवासीको सहयोगमा आगो डेढ घण्टापछि निभाइएको जिल्ला प्रहरी कार्यालयले जनाएको छ ।