कैलाली– सुदूरपश्चिमको मुख्यमन्त्रीका लागि नागरिक उन्मुक्ति पार्टीका कैलाश चौधरीले पनि दाबी पेश गरेका गरेका छन्। उपा अध्यक्ष रञ्जिता श्रेष्ठ पक्षका चौधरीले आइतबार अपराह्न प्रदेश प्रमुख नाजिर मियाँलाई भेटेर मुख्यमन्त्रीमा दाबी पेस गरेका हुन्।
लक्ष्मणकिशोरले नेपाली कांग्रेससहित दलहरूको हस्ताक्षरसहित मुख्यमन्त्रीमा दाबी पेस गरेका हुन् भने
कैलाशलाई केन्द्रको सत्ता गठबन्धनको साथ रहेको नाउपा रन्जिता पक्षले दाबी गरेको छ। तर सत्ता गठबन्धनकै नेकपा एसले भने रेशम पक्षका सांसद लक्ष्मणकिशोर चौधरीलाई समर्थन गर्ने पत्रमा हस्ताक्षर गरेको छ। लक्ष्मणकिशोरले पनि केहिबेर अघि मुख्यमन्त्रीमा आफ्नो दाबी पेश गरिसकेका छन्।
कैलाशलाई नेकपा (माओवादी केन्द्र), नाउपा रन्जिता पक्ष र स्वतन्त्र सांसदको समर्थन छ। भने लक्ष्मणकिशोरलाई कांग्रेस, नेकपा एस, नाउपा रेशम पक्ष र राप्रपाले समर्थन गरेका छन्। केन्द्रको सहमति बमोजिम नेकपा एसले भने कैलाशलाई समर्थन गर्ने रन्जिता पक्षको अपेक्षा छ।
नाउपाभित्र रेशम-रन्जिता दम्पतीको दरारले एउटै पार्टीका दुई सांसदले मुख्यमन्त्रीमा दाबी पेश गरेका छन्।