कैलाली– धनगढी जेसिजले नयाँ बर्षको अवसरमा आयोजना गरेको “अब धनगढी दौडन्छ” धनगढी हाफ म्याराथनको उपाधी नेपाली सेनाका मुकेश बहादुर पालले हात पारेका छन। उनले निर्धारित २१ दशमलव १ किलोमीटरको दुरी १ घण्टा ७ मिनेट ५७.३५ मिनेटमा पार गर्दै उपाधी जितेका हुन।
त्यस्तै निर्धरित दुरी पार गर्दै दुर्गा बहादुर बुढा (१:०८:१२:७७) र नरेन्द्र सिंह रावत (१:०८:४९:८६) क्रमश दोश्रो र तेस्रो भए। उपाधी संगै पालले नगद ६६,६६६ उपविजेता बुढाले नगद ४४,४४४ र रावतलेनगद ३३,३३३ प्राप्त गरे।
त्यस्तै कर्पोरेट मिडिया तर्फको ५ किलोमीटर दौडमा कबिर कामीले (१७:६५:७१) मिनेटमा दुरी पार गर्दै प्रथम पुरस्कार प्राप्त गरे। त्यस्तै बिकास बहादुर बोहरा (१७:८४:८६) र बिकास सिंहले (१८:२१:३१) मिनेटमा निर्धारित दुरि पार गर्दै क्रमश दोश्रो र तेस्रो भए।
त्यस्तै महिला तर्फ कमला बडुवाल (:१८:५०:४६) मिनेटमा दुरी पार गर्दै प्रथम भइन। त्यसैगरि द्वितीय बागेश्वरी धामी (१९:०३:२४) र तेस्रो तुलसी रावत (:१९:४४:२८) भइन। कर्पोरेट र महिला तर्फ बिजेताले क्रमश ६,६६६, ४,४४४ र ३,३३३ नगद हात पारे।
त्यस्तै ट्राइसाइकल तर्फ सहभागी सम्पुर्ण १२ जनालाई नै पुरस्कृत गरिएको संयोजक आशिष शाहले बताए।
