काठमाडौँ । प्रधानन्यायाधीश चोलेन्द्र शमशेर जबराविरुद्ध दर्ता भएको महाभियोग प्रस्ताव आगामी आइतबारको प्रतिनिधिसभा बैठकमा छलफल हुने भएको छ । यस्तै, बैठकमा सार्वजनिक लेखा समितिको २१ औँ वार्षिक प्रतिवेदन, २०७८’ हुने कार्यक्रम रहेको छ ।

बैठक दिउँसो १ बजे आह्वान गरिएको छ । आगामी बैठकमा जबराको कार्य क्षमता र आचारणसम्बन्धी प्रश्न उठाएर गत १ गते महाभियोग प्रस्ताव दर्ता भएको थियो ।

यसअघि फागुन २२ गते बसेको संसद बैठकले ११ सदस्यीय महाभियोग सिफारिस समिति गठन गरेको थियो । महाभियोग सिफारिस समितिमा प्रमुख प्रतिपक्षी दल नेकपा एमाले चार जना सांसद सहभागी भएका छन् ।

यसअघि एमालेले महाअभियोगको प्रस्तावमाथि विरोध जनाउँदै आएको थियो ।