कैलाली– चिसापानीस्थित कर्णाली पुलबाट सोमबार नदीमा हामफाल्दा बेपत्ता युवाको खोजी कार्य जारी छ। सोमवार दिउँसो १७ जना युवा पुलबाट नदीमा हाम फालेर पौडी खेलेका थिए।

तीमध्ये कैलाली लम्कीचुहा नगरपालिका-३ चिसापानीका ३० वर्षीय लोकेन्द्र शाही नदीमा बेपत्ता भएका हुन्।

आज बिहानैदेखि स्थानीय र प्रहरीले खोजी कार्य सुरु गरेको भएपनि अहिलेसम्म फेला पार्न नसकिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कुलदीप चन्दले बताए।

बेपत्ताको खोजीका लागि गोताखोरको समेत प्रयोग गरिएको बताउदै डीएसपी चन्दले अहिलेसम्म फेला पार्न नसकिएको बताए।