कैलाली– सोमबार बसेको मन्त्रिपरिषद्को बैठकले तीन प्रदेश प्रमुखलाई पदमुक्त गर्न राष्ट्रपतिसमक्ष सिफारिस गर्ने निर्णय गरेको छ।

सरकारले नेपाली कांग्रेस निकट तीन प्रदेश प्रमुखलाई हटाएर नयाँ प्रदेश प्रमुख पठाउने निर्णय गरेको भएको सरकारकी प्रवक्ता रेखा शर्माले बताइन्।

सुदुरपश्चिम प्रदेश प्रमुख देवराज जोशीको ठाउँमा सरकारले नजिर मियाँलाई पठाउने निर्णय गरेको छ। यसैगरी गण्डकीमा डिल्लीराज भट्ट मधेस प्रदेशमा सुमित्रा भण्डारीलाई सिफारिस गरिएको भएको प्रवक्ता शर्माले बताइन्।

सुदुरपश्चिमका मुख्यमन्त्री कमलबहादुर शाहले नागरिक उन्मुक्ति पार्टीका लक्ष्मणकिशोर चौधरीलाई बिना बिभागीय मन्त्रीमा नियुक्ति गरेका थिए। उनको आजै मात्र प्रदेश प्रमुख जोशीले पद तथा गोपनीयताको शपथ ग्रहण गराएका थिए। सपथ ग्रहण गराएको केहि बेरमै जोशीको प्रदेश प्रमुखको पद चैट भएको छ।