सुनसरी– शान्ति सिर्जना परिवारले बराहक्षेत्र नगरपालिका-२ पुनर्वासको सातौं वार्षिक साधारण सभा आफ्नै भवनमा सम्पन्न भएको छ।
परिवारका सचिव अर्जुनकुमार कार्कीले आय व्यय प्रस्तुत गरेका थिए कुल आम्दानी ५ लाख २१ हजार ३६२ रुपैयाँ र खर्च ५ लाख ५८ हजार ४ सय ८९ रुपैयाँ ३६ पैसा र परिवारको कुल कोष सम्पत्ति ४८ लाख १० हजार ८ सय ५८ रुपैयाँ भएको प्रस्तुत प्रतिवेदनमा रहेको बताएका छन्।
परिवारका सचिव अर्जुनकुमार कार्कीका अनुसार बाढी पीडित तथा विपन्नदेखि सम्पन्न (आर्थिक हैसियत) भएका परिवारको बसोबास भएको क्षेत्र भएकाले धार्मिक, सांस्कृतिक कार्यक्रमहरू, विवाहा, ब्रतबन्धलगायत सामाजिक कार्य, शहरीकरण भएको (सीमित घरजग्गा) व्यक्तिहरूलाई असजिलो अप्ठ्यारो भएमा उक्त भवन, जग्गा, भाडाकुडा, कुर्सी टेबल र साउण्ड सिस्टमलगायत सामाग्रीहरू उपलब्ध गराउँदै सामाजमा हुने भडकिलो (देखासिकी) खर्च न्यूनीकरण गर्ने सामाजिक र सांस्कृतिक जगेर्ना गर्न उल्लेखनीय भूमिका समूहले वहन गर्दै आएको छ। भविष्यमा अझै सामाजिक गर्दै अगाडि बढ्ने लक्ष्य लिएको कार्कीले बताए।
परिवारका लेखा संयोजक भिष्मराज घिमिरेका अनुसार भजन कीर्तनबाट शुरु भएको समूहले हाल आएर सामाजिक कार्यमा उल्लेखनीय कार्य गर्दै आफ्नै पहलमा जग्गा किनी दुईतले भवन निर्माण सम्पन्न हुने अवस्थामा रहेको छ र भवन निर्माण सम्पन्न भए पछि स्थानीय बासिन्दाहरूका लागि सामाजिक कार्यहरू गर्नका लागि उपयुक्त स्थान हुने कुरा बताउदै भने निमार्ण सम्पन्न गर्नका लागि सम्पूर्ण देश तथा विदेशमा बस्नेले रहनुहुने महानुभावहरुको आर्थिक तथा भौतिक सामाग्री उपलब्ध गराइदिन आव्हान गरे।
कार्यक्रमको सभाअध्यक्ष देवराज भटराई,प्रमुख अतिथि कोशी प्रदेश सांसद ममता तामाङ, मगर, बिशिष्ट अथिति वडा २ का वडा अध्यक्ष होम प्रसाद गौतम अन्य अतिथिहरू बृहत बराहक्षेत्र समितिका अध्यक्ष भेषराज धिमिरे, बद्री राउत, दिलु गजमेर, पशुपती पोख्रेल लगायतको उपस्थित थियो। कार्यक्रम संचालन टेकमाया थापाले गरेकी थिइन्।
