काठमाडौं- आज तीनवटा प्रदेशमा भारी वर्षा हुने प्रक्षेपण जल तथा मौसम विज्ञान विभागले गरेको छ।
विभागका अनुसार कोशी, वागमती र गण्डकीका थोरै स्थानमा भारी वर्षाको सम्भावना देखिएको हो। यस्तै, कोशी, वागमती, गण्डकी र लुम्बिनीका केही र बाँकी प्रदेशका थोरै स्थानमा हल्कादेखि मध्यम वर्षाको सम्भावना छ।
हाल मनसुनको न्यून चापीय रेखा सरदर स्थानको दक्षिणतिर अवस्थित छ। साथै, बंगालको खाडीको उत्तर-पश्चिम भागमा विकसित न्यून चापीय प्रणालीको पनि प्रभाव नेपाली आकाशमा देखिएको छ।
आज दिउँसो देशभर आंशिकदेखि सामान्य बदली रहनेछ। कोशी, वागमती, गण्डकी र लुम्बिनीका केही र बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। कोशी, वागमती र गण्डकीका एक वा दुई स्थानमा भारी वर्षाको सम्भावना छ।
आज राति देशभर आंशिकदेखि सामान्य बदली रहनेछ। कोशी, मधेश, वागमती, गण्डकी र लुम्बिनीका केही तथा बाँकी भूभागका थोरै स्थानमा हल्कादेखि मध्यम वर्षाको सम्भावना छ। कोशी र गण्डकीका एक वा दुई स्थानमा भारी वर्षाको सम्भावना छ।