काठमाडौं- काठमाडौं कागेश्वरी मनोहरा नगरपालिका-८ तेजविनायक डेरा गरी बस्ने सिन्धुली सुनकोशी गाउँपालिका घर भएकी २७ वर्षीया मनिका लामा आफ्नै कोठामा आइतबार मृत अवस्थामा फेला परेकी छिन् ।
झापा बिर्तामोड नगरपालिका-३ बिर्ताबजार बस्ने ६५ वर्षीय डम्बर बहादुर राई आफ्नै घरमा आइतबार मृत अवस्थामा फेला परेका छन् ।
कञ्चनपुर भिमदत्त नगरपालिका-११ महाकाली आर्याघाटस्थित महाकाली नदीमा शुक्लाफाँटा नगरपालिका-५ बस्ने १८ वर्षीय दिप्पे भन्ने दिपेन्द्र हमाल आइतबार मृत अवस्थामा फेला परेका छन् । मलामी गएको अवस्थामा नुहाउने क्रममा डुबेका उनको खोजी गर्दा शव फेला परेको हो ।
पाल्पा रामपुर नगरपालिका-४ कोप्चेघाटस्थित कालीगण्डकी नदीको किनारमा स्याङ्जा चापाकोट नगरपालिका-८ दामाचौर बस्ने ५३ वर्षीया सरस्वती पाठक सोमबार मृत अवस्थामा फेला परेकी छन् ।
काभ्रे पनौती नगरपालिका-८ मल्पी डेरा गरी बस्ने ओखलढुङ्गा घर भएका ४० वर्षीय राज कुमार विसुन्खे सोही ठाउँस्थित खेतमा सोमबार मृत अवस्थामा फेला परेका छन् ।
कास्की पोखरा महानगरपालिका-१३ स्थित दुई कुलाको मुहानमा हाल नाम, थर, वतन, नखुलेका करिब ५० वर्षीय पुरुष सोमबार मृत अवस्थामा फेला परेका छन् ।
ईलाम माई नगरपालिका-८ चेपे खोला नजिकै हाल नाम, थर, वतन नखुलेका करिब ३५ वर्षीय पुरुष सोमबार मृत अवस्थामा फेला परेका छन् ।