काठमाडौं- सरकारले नेपाल प्रहरीका पाँचजना अतिरिक्त महानिरीक्षक (एआईजी)हरूको सरुवा गरेको छ।

बिहीबारको मन्त्रिपरिषद् बैठकबाट उक्त निर्णय भएको हो।

भावी महानिरीक्षक (आईजीपी)का दाबेदार एआईजी विश्वराज पोखरेलको राष्ट्रिय प्रहरी प्रतिष्ठानमा सरुवा भएको छ।

उपत्यका प्रहरी कार्यालयमा एआईजी प्रद्युम्न कार्कीको सरुवा भएको छ। त्यहाँका एआईजी हरिबहादुर पाललाई कार्य विभागमा पठाइएको छ।

प्रशासन विभागका एआईजी निरजबहादुर शाही अपराध अनुसन्धान विभाग तथा भरखरै बढुवा भएका एआईजी सहकुलबहादुर थापालाई मानव स्रोत तथा प्रशासन विभागमा सरुवा गरिएको छ।