काठमाडौं- बाढी पहिरो र डुबानमा परी ३० जेठयताका २५ दिनमा ५१ जनाको मृत्यु भएको छ। मृत्यु हुनेमा २६ पुरुष, १५ महिला, १० बालबालिका रहेको प्रहरीले जनाएको छ।
तीमध्ये सिन्धुपाल्चोकमा पाँच, डोटीमा चार, रोल्पा, तनहुँ, दाङ, पाल्पा, दार्चुला र गोरखामा ३-३, चितवन, प्युठान, धादिङ, म्याग्दी र रौतहटमा २-२, ललितपुर, मकवानपुर, सर्लाही, खोटाङ, सप्तरी, काभ्रे, सिन्धुली, जुम्ला, अर्घाखाँची, कास्की, कालिकोट, पाँचथर, बझाङ र बाजुरामा १-१ जना छन्। पछिल्लो २४ घण्टाभित्र मृत्यु भएकामध्ये दार्चुलामा तीन, पाल्पामा दुई तथा तनहुँ र दाङमा १-१ जना गरी सातजना छन्।
बाढी पहिरो र डुबानमा परी २५ दिनमा ७१ जना घाइते भएका छन्। तीमध्ये ३६ पुरुष, १९ महिला, १६ बालबालिका छन्। उनीहरूमध्ये तनहुँमा १०, पाल्पामा सात, धादिङमा ६, सिन्धुपाल्चोक र रोल्पामा ५-५, धनुषा र सर्लाहीमा ४-४, खोटाङ, कास्की, म्याग्दी र डोटीमा ३-३, जुम्ला, चितवन, दाङ, दार्चुला र गोरखामा २-२, पाँचथर, संखुवासभा, रौतहट, स्याङ्जा, हुम्ला, अछाम, बाजुरा र सल्यानमा १-१ जना छन्।
यस अवधिमा २९ जना बेपत्ता भएका छन्। तीमध्ये १९ पुरुष, ६ महिला, चारजना बालबालिका छन्। उनीहरूमध्ये सिन्धुपाल्चोकमा २०, चितवनमा तीन, पर्वत र तनहुँमा दुई तथा बाजुरा र बाग्लुङमा एकजना छन्।
प्रहरीका अनुसार यसबीचमा बाढीपहिरोमा परेका एक हजार २६८ उद्धार गरिएको छ। उद्धार गरिएकामध्ये मनाङमा ६५६, चितवनमा ४०२, सिन्धुपाल्चोकमा १२३, दोलखामा ३५, नवलपरासी पूर्वमा १८, लमजुङ र सल्यानबाट ८-८, जाजरकोटमा सात, गोरखा र दाङमा ४-४ र कञ्चनपुरमा तीनजना छन्।
बाढीका कारण एक हजार ५१६ वटा घर डुबानमा परेका छन्। ५६४ वटा घर, ९९ गोठ, ४२ पुल, तीन विद्यालय र १३ वटा सरकारी कार्यालयमा क्षति पुगेको छ। २५ दिनभित्र ५३९ वटा विपद्का घटनामा परी एक हजार १५८ परिवारका पाँच हजार ४२३ जना विस्थापित भएका छन्।