गाउँलेको रिपोर्ट-

जिम्मेवारीले कुप्रिएको ढाड
खाली पेट
रगत चुसेको शरीर
राज्यसँग गुनासाका पुलिन्दा
औंलामा चुनावको मसी

काठमाडौं बस्ने आफ्ना नेताको ठेगाना
बैंकको रिन तिर्ने ताकेता
कर र तिरोका मुठा
अस्पतालका बिल
आशा भरोसाका पुलिन्दा
सरकारले दिएका दुःखका गुनासा

व्यापारीको रिपोर्ट-

सरकारसँगका गुनासा
चन्दाका हिसाब
सरकारी जग्गा जमिनका लालपुर्जा

पार्टी सदस्यताका रसिद
राजनीतिक पदको हिसाब
सेटिङका हिसाब किताब

कर्मचारीको रिपोर्ट-

साँझ बिहान ढोका चहार्दै खिइएको पैताला
अभिवादन मुद्रामा कुप्रिएको ढाड
पार्टी कार्यकर्ताका टेलिफोन नम्बर
सिफारिसका पुर्जी

जिम्मेवारीबाट भाग्ने प्रेस्क्रिप्सन
पार्टीको रसिद
लोकसेवाका प्रश्न उत्तर

नेताको रिपोर्ट-

नपचेका झुठा भाषण
बुझ्नै नसकिने योजनाका पुलिन्दा
दलालका सम्पर्क र ठेगाना
कुण्ठाको भारी

गालीका पुलिन्दा
लोकतन्त्र, समाजवादको रटाई
व्यापारीसँग सेटिङका हिसाब
ब्रिटिस भर्जिन आइल्यान्डको पासवर्ड
रकमका गोप्य हिसाब

नागरिक समाजको रिपोर्ट-

पार्टीसँगका हिसाब किताब
विदेशी प्रोजेक्टका भर्पाइ
नेतासँगको सेटिङ
पार्टीले अभिनन्दन गरेका फ्रेम
सुगा रटाइ
के बोल्ने भन्ने पार्टीको निर्देशन
मौसमअनुसारका पोशाक

पार्टी कार्यकर्ताको रिपोर्ट-

जिन्दावाद, मुर्दावादको आवाज
बा, दाइ, सर्वमान्यको सुगा रटाइ
आशै आशका भारी
गोली, लाठी, टियर ग्यासका चोट
घर परिवारको दायित्व

घर परिवार, समाजको गाली
किराना पसलको हिसाब
हिँड्दा हिँड्दै फाटेका जुत्ता

जय नेपाल