काठमाडौँ । नेपाली कांग्रेसका महामन्त्री विश्वप्रकाश शर्माले बालेन साहलाई शुभकामना दिएका छन् । काठमाडौं महानगरको मेयरमा स्वतन्त्र उम्मेदवारी दिएका बालेन विजयी भएसँगै उनले शुभकामना दिएका हुन् ।
नवनिर्वाचित मेयर बालेनलाई शुभकामना दिँदै महामन्त्री शर्माले मतदाताले आफूहरूलाई बदलिन सन्देश दिएको बताए । उनले मेयरमा निर्वाचित साहलाई बधाई दिँदै आफूहरू बदलिनु पर्ने बेला आएको बताए ।
‘बालेनलाई बधाई दिउँ, बदलौँ आफूलाई, बालेनलाई जिताएर काठमाडौंका सचेत मतदाताले हामीलाई बदलिन सन्देश दिएका छन्,’ उनले आफ्नो सामाजिक सञ्जालमा लेखेका छन् ।
यस्तै, जनताको काममा जननिर्वाचित मेयरलाई सघाउनु सबैको कर्तव्य रहेकोसमेत शर्माले बताए । उनले काठमाडौंका सचेत मतदाताले दिएको सन्देश गहन रूपले आत्मसाथ गरिनु पर्ने बताए ।
महामन्त्री शर्माले मुख्य दलको शैली र प्रस्तुतीमा मतदाता असन्तुष्ट रहेको बताए ।