मेष- स्वास्थ्यमा समस्या आउला। गरेका कामहरू हत्तपत्त बन्ने छैनन्। मिहिनेतअनुसारको फल नपाइने योग छ।
वृष- जाँगर बढ्ने छ। रोकिएका सबै काम आफन्तको सहयोगमा बन्न थाल्ने छन्। प्रयासअनुसारको काम हुनुका साथै परिआएका समस्याको हल हुनेछ। अन्न र धन लाभ होला। आर्थिक पक्षमा सफलता मिल्नुका साथै मिल्ने साथीसँगको भेटले मन रमाउने छ।
मिथुन- उद्योग, कलकारखानामा लगानी गर्दा फाइदा हुने देखिन्छ। यात्राको योग छ। समस्याहरू आफैं किनारा लाग्ने छन्। धैर्य बढाउन सके धेरै राम्रो समय छ। परिश्रम गर्न सकेजति खेर जाने छैन।
कर्कट- लामो यात्राको प्रक्रिया अघि बढ्नेछ। साथी र परिवारबाट सुख शान्ति पाइने छ। कृषिकर्म र व्यावसायिक काममा केही चुनौती सामना गर्नुपर्नेछ। सामान बिग्रेर दुःख पाइएला। परिवारमा हल्का विवाद हुन सक्छ।
सिंह- सोचेअनुरूप काम नहुने र दिएको पैसा पनि फिर्ता नहुने योग छ। परिवारबाट सोचेअनुरूप सहयोग नमिल्नाले व्यवहारिक काममा कठिनाइ हुनेछ। सामान्य रोगले पनि सताउला।
कन्या- आज अलमल हुन सक्छ। काममा पनि मन नजान सक्छ। आँटे-गरेका काम पूरा हुनुका साथै समस्याको समाधान हुनेछ। परिवारबाट सुख मिल्ने दिन छ। प्रेम प्रसंगमा सुधार आउने छ।
तुला- पारिवारिक सुख मिल्नुका साथै आत्मबल बढ्ने छ। व्यापारमा सोचेअनुरूप फाइदा होला। लाभदायक समय छ। आर्थिक लाभ मिल्ल्नुका साथै व्यापार-व्यवसायमा फाइदा हुनेछ। शत्रु र रोग पन्छाउने उचित समय छ। पढाइमा भने खासै प्रगति नहोला।
वृश्चिक- वाहन, चौपाया प्राप्त होला। नयाँ सामान खरिद गर्ने योग देखिन्छ। आर्थिक कारोबार हुने समय छ। गरेका कामहरू सफल हुनेछन् भने अधुरा काम पनि बन्ने छन्।
धनु- अनावश्यक वादविवाद हुने भएकाले समय खासै राम्रो छैन। गरेका कामहरू अधुरा रहने छन् भने स्वास्थ्यले पनि साथ नदिन सक्छ। मनमा डरले पनि डेरा जमाउने छ।
मकर- परिवारमा खटपट हुनुका साथै व्यावहारिक समस्याले सताउने छ। कामहरू अधुरै रहनाले मन खिन्न होला। परिवारबाट त्यति सहयोग पाइने छैन। केहीले सम्मान गर्नेछन्। मिश्रित समय छ।
कुम्भ- घरायसी वातावरणमा सुमधुर सम्बन्ध कायम हुनेछ। दिन रमाइलोसाथ बित्नेछ। रोकिएका अधुरा कामहरू पूरा हुनेछन् भने व्यावहारिक समस्याको हल हुनेछ। सामान्यतया दिन राम्रो छ।
मीन- कृषिजन्य व्यापारबाट राम्रो फाइदा हुने देखिन्छ। दान पुण्यका कार्यमा आकर्षण बढ्ने छ। सामाजिक कार्यमा संलग्न हुनुपर्ने देखिन्छ। सोच्दै नसोचेको ठाउँबाट आर्थिक लाभ हुने समय छ। साथीभाइसित बसेर छलफल र वार्तालाप हुनेछ।