बडा फुर्सतिला छन् ट्रम्प बड्डा
हातमा संसारको रिमोट लिएर हिँड्छन्

बिहान उठ्नासाथ नक्सा पल्टाउँछन्
आज कसको पालो त्यो तय गर्न !

कहिले छिमेकीलाई आँखा तर्छन्
कहिले चीनतिर भौँ चढाउँछन्,
केहीबेर फुर्सद भयो भने
इरान त छँदैछ

पुटिन भेटे काँधमा हात,
अरूलाई भने प्रतिबन्धको साथ !

चियाभन्दा मुख पोल्ने
बेलायतबारे उनको बोली !

ठग्गाले काकालाई सोध्यो-
घुमिरहने यिनको घर कहाँ हो काका ?

बडका भलमन्सा हाँसे
घर त ह्वाइटहाउस हो भतिज

तर, जहाँ टेक्यो
त्यहीं कब्जा गर्छन्

संसारकै निद्रा भगाउने
बड्डाको ट्‍विट त झन् खतरा भतिज !