मेष- पारिवारिक सुख मिल्नुका साथै आत्मबल बढ्ने छ। व्यापारमा अपेक्षाकृत लाभ होला। शत्रु र रोग पन्छाउने उचित समय छ। पढाइमा भने आज खासै प्रगति नहोला।
वृष- वाहन प्राप्ति होला। नयाँ सामान खरिद गर्ने योग देखिन्छ। गरेका कामहरू सफल हुनेछन्। अधुरा कामहरू पनि बन्ने छन्। पैसा भने अनायासै खर्च होला।
मिथुन- अनावश्यक डर, वादविवाद हुन सक्नाले समय खासै राम्रो छैन, होश पुर्याउनु होला। गरेका कामहरू अधुरा रहने छन् भने स्वास्थ्यले पनि साथ नदिन सक्छ। झैझगडाको सम्भावना छ।
कर्कट- परिवारमा खटपट हुनुका साथै व्यावहारिक समस्याले सताउने छ। कामहरू अधुरै रहनाले मनमा खिन्न होला। मिश्रित समय छ। प्रशस्त पैसाको कारोबार होला।
सिंह– घरायसी वातावरणमा सुमधुर सम्बन्ध कायम हुने छ। दिन रमाइलो साथ बित्ने छ। रोकिएका अधुरा कामहरू पूरा हुनेछन्। व्यावहारिक समस्याको हल हुनेछ।
कन्या- कृषिजन्य व्यापारबाट राम्रो फाइदा हुने देखिन्छ। दान पुण्यका कार्यमा आकर्षण बढ्ने छ। सामाजिक कार्यमा संलग्न हुनुपर्ने देखिन्छ। आकस्मिक आर्थिक लाभ हुने समय छ।
तुला- स्वास्थ्यमा समस्या आउला। मिहिनेतअनुसार फल नपाइने योग छ। गरेका कामहरूमा बाधा आउनुका साथै आर्थिक हानी हुनेछ।
वृश्चिक- आफन्तजनको सहयोगले रोकिएका सबै काम बन्न थाल्ने छन्। प्रयासअनुसार कार्य हुनुका साथै परिआएका समस्याको हल हुनेछ। अन्न र धनको पनि लाभ होला।
धनु- उद्योग, कलकारखानामा लगानी गर्दा फाइदा हुने देखिन्छ। यात्राको योग छ। समस्याहरू आफैं किनारा लाग्ने छन्। धैर्य गर्न सक्दा धेरै राम्रो समय छ।
मकर- लामो यात्राको प्रक्रिया अघि बढ्नेछ। साथी र परिवारबाट सुख शान्ति पाइने छ। यात्राका लागि उचित समय छ। कृषिकर्म र व्यावसायिक काममा भने केही चुनौती सामना गर्नुपर्ने हुन सक्छ।
कुम्भ- सोचेअनुरूप काम नहुने र दिएको पैसा पनि फिर्ता नहुने योग छ। परिवारबाट अपेक्षाकृत सहयोग नपाइन सक्छ।
मीन– आँटे-गरेका काम पूरा हुनुका साथै समस्याको समाधान हुनेछ। परिवार सुख मिल्ने दिन छ। बिग्रेको प्रेम प्रसंगमा केही सुधार आउने छ।