नयाँदिल्ली- हरेक अभिभावक चाहना हुन्छ, आफ्ना सन्तानको शरीरबाट ठुस्स गन्ध होइन, बास्ना आओस्। त्यसका लागि आमाबाबुले प्रायः राम्रो बास्ना भएको अत्तर, बडी स्प्रे वा सुगन्ध लगाउन दिन्छन्।
तर के तपाईंलाई थाहा छ तपाईंका लागि ताजगी र आत्मविश्वासको स्रोत भएको सुगन्ध बच्चाहरूको नाजुक छाला र स्वास्थ्यका लागि खतरनाक हुन सक्छ।
बच्चाहरूको शरीर र छाला वयस्कहरूको भन्दा धेरै संवेदनशील हुन्छ। त्यसैले, उनीहरूका लागि धेरै सोचविचार गरेर अत्तर छनोट र प्रयोग गर्नु महत्त्वपूर्ण छ।
बालबालिकामा अत्तरको हानी
– उनीहरूको छाला नाजुक हुन्छ। त्यसैले अत्तरको रसायनले छालामा असर पुर्याउन सक्छ।
– बालबालिकाको गन्ध लिने क्षमतामा गम्भीर असर पुर्याउन सक्छ।
– परफ्युममा टक्सिक रसायन हुने भएकाले त्यसले बालबालिकाको स्वास्थ्यमा गम्भीर असर पुर्याउन सक्छ।
– अल्कोहल र रसायनले बालबालिकाको छालामा एलर्जीको खतरा हुनछ।
– स्ट्रङ गन्धका कारण श्वासप्रश्वासमा समस्या आउन सक्छ। र, रिंगटा लाग्न सक्छ।
– परफ्युम छर्किंदा बालबालिकाको आँखा चिलाउने या इरिटेसन गराउने हुन सक्छ।
बालबालिकालाई यसरी राखौं प्राकृतिक रूपमा सुगन्धित
– दैनिक एन्टिब्याक्टेरियल साबुन र सफा पानीबाट नुहाइदिऊँ
– उनीहरूलाई सफा र हल्का कटनका कपडा लगाइदिऊँ
– नरिवल या बदामजस्ता प्राकृतिक तेल हल्का हातले लगाइदिऊँ
– सिया बटरजस्ता प्लान्ट-बेस्ड मोस्चराइजरको प्रयोग गरौं
– रसायनयुक्त सेन्टेड प्रोडक्ट्सबाट टाढा राखौं
– सधैं हाइपोएलर्जेनिक (एलर्जीरहित) प्रोडक्ट्स चुनौं
– छाला चिलाउने र रातो देखिनेजस्ता समस्या देखिनासाथ डाक्टरलाई देखाऊँ