काठमाडौं- नेपालको पहिलो डिजिटल वालेट ‘आईएमई पे’ले आगामी क्रिसमस र नयाँ वर्ष २०२५ को अवसर पारी ट्राभल बुकिङमा शतप्रतिशत क्यासब्याक अफर सार्वजनिक गरेको छ।

५ देखि १७ पुससम्म १३ दिनका लागि चल्ने अफरअन्तर्गत सेवाग्राहीहरूले आईएमई पेमार्फत आन्तरिक हवाई टिकट, बस टिकट र केबलकार टिकट खरिदमा दैनिक १०० प्रतिशत क्यासब्याक जित्ने मौका पाउनेछन्।

अफर अन्तरालभरि हरेक दिन आईएमई पेबाट आन्तरिक हवाई टिकट काट्ने १, बस टिकट काट्ने ३ र केबलकार टिकट काट्ने १० जना भाग्यशाली सेवाग्राहीले खरिद गरिएको टिकट मूल्यको शतप्रतिशत क्यासब्याक जित्ने मौका छ। विजेताहरू दैनिक लक्की ड्रमार्फत छानिने छन्।

‘यस्ता ग्राहकमैत्री अफरहरू प्रदान गरेर, हामी हाम्रा सेवाग्राहीहरूका लागि कुनै पनि चाडपर्व र सिजनलाई अझ विशेष बनाउने आशा गर्छौं। हामी सबैलाई यस अवसरको फाइदा उठाउन र डिजिटल भुक्तानीको सुविधा र फाइदाहरू अनुभव गर्न प्रोत्साहित गर्छौं,’ आइएमई पेका एक अधिकारीले भने।