नयाँदिल्ली- कलेजोमा बोसो जम्मा हुने अर्थात फ्याट्टी लिभरको समस्याबाट पछिल्ला ५० वर्षमा संसारको एक चौथाइ जनसंख्या प्रभावित भइसकेको छ।

यो बिमारी बयस्कलाई मात्र होइन, बालबालिकालाई पनि उत्तिकै देखिइरहेको छ। भारतमा मात्र ३८ प्रतिशत जनसंख्या यसबाट पीडित छ। भारतका ३५ प्रतिशत बालबालिका यसबाट पीडित छन्।

यो एक जीवनशैलीका कारण उत्पन्‍न हुने रोग हो। शरीरमा बोसोको मात्रा सामान्यभन्दा अधिक भएमा यो रोग देखिन्छ। यसको कुनै खास लक्षण छैन। तर, गम्भीर स्वास्थ्य समस्याको कारक हो यो।

मोटोपन, मदिरा सेवन, फ्याटयुक्त डाइटको अधिक सेवन यसका प्रमुख कारण हुन्। नियमित शारीरिक व्यायाम र तौल घटाउँदा यसबाट पार पाउन सकिन्छ।

यस्तो अवस्थामा तत्काल जाँच गरौं

– लम्बाइको अनुपातमा शरीरको तौल ज्यादा भएमा

– गर्धनको आसपास बोसो जम्मा भएमा

– रगतमा सुगर, कोलेस्टेरोल, एसजीपीटी र ट्राइग्लिसराइड ज्यादा भएमा

– गर्धनको आसपास कालो धब्बा देखिएमा

– नङहरू सेतो देखिन थालेमा

– अस्वस्थ जीवनशैली छ भने

– दिशाको रंग कालो देखिन थालेमा

– मातापिता या हजुरबा-आमालाई उच्च रक्तचाप, मधुमेह, मुटु रोग, कोलेस्टेरोल, क्यान्सर या स्ट्रोकको समस्या थियो भने

फ्याट्टी लिभरबाट बच्न यी खानेकुरा

– दैनिक एउटा स्याउ खाऊँ। बोक्रासहितको स्याउले मात्र शरीरलाई ज्यादा लाभ पुर्‍याउँछ।

– ग्लुकोनवाला गहुँको रोटी नियमित खाऊँ

– कालो चना, सातु, कोदोलगायत हाई फाइबर फुड सेवन गरौं

– पत्तागोभी, चुकन्दर, पालक, टमाटर, काँक्रोजस्ता रंगिन सब्जीहरू नियमित खाऊँ

– कफीले पनि फ्याट्टी लिभर कम गर्न मद्दत गर्छ। तर, यो चिनीविनै पिउनु राम्रो हुन्छ।

– खानामा नियमित बेसार मिलाऊँ

– बिहानै तातो पानीमा कागती निचोरेर पिऊँ

– ओखर फ्याट्टी लिभरका लागि वरदान हो। दैनिक ४ वटा ओखर खाऊँ।

– आफ्नो डाइटमा सलाद जरुर सामेल गरौं