काठमाडौँ । नेपाली राष्ट्रिय क्रिकेट टोलीले एक दिवसीय अन्तर्राष्ट्रिय क्रिकेट सिरिजअन्तर्गत पपुवा न्युगिनी (पीएनजी)सँग प्रतिस्पर्धा गरिरहेको छ । त्रिवि क्रिकेट मैदानमा नेपालले टस जितेर पहिले ब्याटिङ गर्ने गरेको हो ।

नेपालले आजको खेलमा कमल सिंह ऐरीको स्थान गुल्सन झालाई राखेको छ । पहिलो खेलमा ६ रनले पराजित भएको नेपाल आजको खेलमा जित निकाल्ने योजनामा रहेको छ ।

नेपाल आजको खेलमा जित निकाले सिरिज बराबरी हुने छ । यूएईमा नेपालले पीएनजीविरुद्ध पहिलो खेलमा दुई विकेटको जित निकालेको नेपालले दोस्रो खेलमा ७ विकेटको जित निकालेको थियो ।

नेपालले आगामी मेमा आईसीसी विश्वकप लिग टूअन्तर्गत अमेरिकामा सिरिज खेल्दै छ । त्यसैका लागि यो सिरिज खेल भइरहेको हो ।