काठमाडौँको तारकेश्वर नगरपालिका ५ गोलढुंगामा होली खेलेर सेल्फी खिच्न खोज्दा घरको छतबाट लडेर एक जनाको मृत्यु भएको छ। घटनामा एक जना घाइते भएका छन्।

आफ्नै घरको चौथो तलाबाट खसेर एक जना महिलाको मृत्यु भएको छ। गोलढुंगा बस्ने ४३ वर्षीया जीवनकुमारी खड्काको मृत्यु भएको प्रहरीले जनाएको छ ।

सेल्फी खिच्ने क्रममा रेलिङ भाँचिएर लड्दा घाइते भएकी खड्कालाई उपचारका क्रममा मृत्यु भएको हो । रेलिङ भाँचिदा लडेर घाइते भएकी ३८ वर्षीया अञ्जु कार्कीको ग्रिन सिटी अस्पतालमा उपचार भइरहेको प्रहरीले जनाएको छ ।