नेपालमा ‘गोलमाल’ नामको
राजनीतिक सिनेमा चलिरहेको छ
को हिरो ? को भिलेन ?
छुट्याउनै गाह्रो
कमेडियन भने रमाइला छन्

सिनेमा कहिले काठमाडौं
कहिले मधेश
कहिले कुन प्रदेश
कता चल्ने हो थाहै छैन

सिनेमामा लगानी धेरै भए पनि
कथावस्तुले लहर समातेको छैन
डायलग झुर छ
सिनेमा फ्लप छ
लगानी पाँच प्रतिशत पनि
नउठ्ने भएको छ

हिरोहरूको स्टारडम झरेर
शून्यमा पुगेको छ

सिनेमा हलमा बोर भएर
दर्शक कराएका छन्
गरियाएका छन्

सुपर फ्लप बुडाखाडा
कलाकार र
झुर कथावस्तुका साथ
अर्को सिनेमा लन्च गर्न
पनि खोज्दै छन् रे !

बजारमा आउनुभन्दा पहिलै थाहा छ
अर्को सिनेमा पनि
महाझुर हुनेछ भनेर