काठमाडौं- झापा दमक नगरपालिका-२ बेलडागिस्थित सडकमा को.२ त ९१२६ नम्बरको ट्याक्टरले सोमबार दिउँसो किच्दा ईलाम चुलाचुली गाउँपालिका-५ बस्ने ३२ वर्षीय मिथुन तामाङ भन्ने पेम्बा दोर्जेको घटनास्थलमै मृत्यु भएको  छ । हाल फरार ट्याक्टर चालकको प्रहरीले खोजी गरिरहेको छ ।  

यसैगरी झापा कमल गाउँपालिका-५ सितापुरिस्थित सडकमा लु.१ ख ८८३६ नम्बरको बसको ठक्करबाट पैदलयात्री ईलाम सूर्योदय नगरपालिका-१ बस्ने ४१ वर्षीय कमल राईको सोमबार साँझ मृत्यु भएको छ । ठक्करबाट गम्भीर घाइते भएका उनको उपचारको लागि लाईफ लाईन अस्पताल दमकतर्फ लैजाने क्रममा बाटोमै मृत्यु भएको हो । बस चालकलाई प्रहरीले  नियन्त्रणमा लिएको  छ ।