काठमाडौँ । सेयर बजारमा आज नेप्से परिसूचक करिब ४ प्रतिशतले बढेको छ । साताको पहिलो दिन आज नेप्से परिसूचक १०१ दशमलव ०७ अंकले बढेर दुई हजार ६६७ दशमलव ९७ अंकमा पुगेको हो ।

आजको कारोबारमा अघिल्लो साताभन्दा सुधार देखिएको छ । अघिल्लो साता औसतमा तीन अर्ब देखिएको कारोबार रकम आज बढेर पाँच अर्ब रुपैयाँमा पुगेका छ ।

दिनभरका ६४ हजार २२८ कारोबारबाट २२८ कम्पनीको ९० लाख २२ हजार ८९० कित्ता सेयर किनबेच भएका छन् । जसबाट कारोबार रकम चार अर्ब ८७ करोड ७ लाख १५ हजार ३८७ रुपैयाँ पुगेको छ ।

कारोबार भएका २२८ धितो पत्रमध्ये २०९ वटाको मूल्य बढेको छ भने ११ वटा धितो पत्रको मूल्य घटेको छ ।