काठमाडौं– बाँकेको जानकी गाउँपालिका-६ स्थित बाहुबली हर्बल प्रालिमा बिहीबार बिहान ७ बजेदेखि लागेको आगाे अझै नियन्त्रणमा आएको छैन।

उद्योग परिसरभित्र फाल्नलाई सङ्कलन गरिराखेको सल्लो प्रजातिको काठ र खोटोमा आज बिहान एक्कासी सल्केको आगोले उद्योगको गोदाम सखाप भएको छ। विद्युतको ट्रान्सफरबाट सल्केको आगो उद्योगको गोदाममा फैलिएको प्रहरीले जनाएको छ।

आगलागीमा सल्लाको काठ, आँख्ला, पदमचाल, चिराइतोलगायतका जडीबुटीको भण्डार जलेर सखाप भएको छ। आगलागी नियन्त्रणका लागि नेपाली सेना, नेपाल प्रहरी, सशस्त्र प्रहरी तथा नेपाल र भारत गरी ११ ओटा दमकल खटिएका छन्।