काठमाडौं- धनगढीमा मंसिर २२ गतेदेखि जारी “सुदूरपश्चिम महोत्सव” ५ पुससम्म सञ्चालन हुने भएको छ।

आयोजक कैलाली उद्योग वाणिज्य संघले धनगढीमा भइरहेको सुदुरपश्चिम प्रादेशिक महोत्सव यसअघि २ पुससम्म सञ्चालन हुने बताएको थियो।

दर्शकहरूको मागका कारण महोत्सवको अवधि बढाइएको संघका अध्यक्ष पुष्पराज कुँवरले बताए। आर्थिक मन्दीका कारण बजार व्यवसाय सुस्त रहेको समयमा महोत्सवमा दर्शकहरूको उल्लेखनीय सहभागिता रहेको बताउँदै अध्यक्ष कुँवरले व्यवसायीहरूको समेत मागका कारण समय थप गरिएको बताए।