काठमाडौं- आज पाँचवटा प्रदेशमा हल्कादेखि मध्यम वर्षा हुने जल तथा मौसम विज्ञान विभागको पूर्वानुमान छ।

विभागका अनुसार कोशी, मधेश, वागमती, गण्डकी र लुम्बिनीका केही स्थानमा वर्षा हुने सम्भावना देखिएको हो।

हाल मनसुनको न्यून चापीय रेखा सरदर स्थानको दक्षिणतिर अवस्थित छ। आज दिउँसो देशभर आंशिकदेखि सामान्य बदली रहनेछ। कोशी, वागमती, गण्डकी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ।

आज राति देशभर आंशिकदेखि सामान्य बदली रहनेछ। कोशी, मधेश, वागमती, गण्डकी र लुम्बिनीका केही तथा बाँकी भूभागका थोरै स्थानमा हल्कादेखि मध्यम वर्षाको सम्भावना छ। गण्डकीका थोरै स्थानमा भारी वर्षाको पनि सम्भावना छ।