रूकुम– रूकुम पश्चिममा सर्पको टोकाइबाट सुत्केरीको मृत्यु भएको छ।

चौरजहारी नगरपालिका-१३ रातामाटाकी २२ वर्षीया सुत्केरी विनिता ओली विष्टकाे सर्पकाे टाेकाइबाट मृत्यु भएको हो।

मंगलबार दिउँसो विष्टलाई बारीमा घाँस काट्ने क्रममा सर्पले टोकेको थियो। सोही दिनकै राति उनले छोरीलाई जन्म दिएकी थिइन्। सुत्केरी भएपछि उनलाई अत्यधिक रक्तश्राव भएपछि उपचारका लागि चौरजहारी अस्पताल लगिएको थियो।

सर्पको विष शरीरमा फैलिएको कारण आज बिहान उनकाे मृत्यु भएको चौरजहारी अस्पतालले बताएकाे छ। शिशुको पनि अवस्था गम्भीर रहेकाले रिफर गर्न लागिएको सर्पको विष शरीरमा फैलिएको र रक्तश्रावका कारण आज बिहान मुत्यृ भएको चौरजहारी अस्पतालका प्रशासक डिलबहादुर गिरीले बताए

शिशु जन्मने अवधि कात्तिकमा भए पनि सर्पकाे टाेकाइले समय अगावै शिशुको जन्म भएको हाे।