काठमाडौं- कपिलवस्तुको तौलिहवा क्षेत्रमा अत्यधिक वर्षा मापन भएको छ।

जल तथा मौसम विज्ञान विभागको बाढी पूर्वानुमान महाशाखाका अनुसार पछिल्लो एक घण्टामा त्यस क्षेत्रमा मुसलधारे वर्षा भइरहेको छ।

तौलिहवा र आसपासको क्षेत्रमा अत्यधिक वर्षा मापन भएको महाशाखाले जनाएको छ।

त्यस क्षेत्र भई बहने नदीनालाहरूमा जल सतह बढेको छ। नदीनालाको बाढी बस्तीमा पस्ने खतरा रहेकाले उच्च सतर्कता अपनाउन विभागले आग्रह गरेको छ।

‘सो क्षेत्र भई बहने स-साना नदीहरूमा आकस्मिक बाढीको जोखिम भएकाले तटीय क्षेत्र तथा डुबान भइरहने होचा स्थानमा दिउँसोसम्मै सतर्कता अपनाऔं,’ महाशाखाले भनेको छ।