काठमाडौं– राप्रपाका अध्यक्ष राजेन्द्र लिङ्देनले विश्वासको मत लिने टुंगाे लागेसँगै कोशी प्रदेश सरकारले सांसदलाई मन्त्री र कराेडाैंकाे अफर गरेकाे खुलासा गरेका छन्।

उनले सामाजिक संजालमा पाेष्ट गर्दै गठबन्धन सरकारले कोशी प्रदेश सभामा विश्वासकाे मतका लागि प्रदेश सभा सदस्यलाई मन्त्री र १० करोड रुपैयाँको प्रस्ताव गरेकाे दावी गरेका छन्।

उनले कुन पार्टीका सांसदलाई सरकारले प्रलाेभन दिएकाे स्पष्ट खुलाएका छैनन्। यद्यपी कोशी प्रदेश सभामा निर्णायक शक्ति बनेको राप्रपाका सांसदलाई मन्त्री बनाइदिने वा १० करोड रुपैया दिने प्रस्ताव आएको निकट हुनसक्ने निकट स्राेतकाे दाबी छ।

मुख्यमन्त्री उद्धब थापाले ४ भदौमा विश्वासकाे मत लिने तय भएकाे छ। राप्रपाले कोशी सरकारलाई विश्वासको मत नदिने बताइसकेको छ।