२० असोज, भरतपुर ।
पाखुरीचोक कृषि सहकारी संस्थाको अध्यक्षमा प्रकाशचन्द्र न्यौपाने चयन हुनुभएको छ । भरतपुर महानगरपालिका वडा १३ को एक मात्र कृषि सहकारीको रुपमा स्थापना भएको सहकारीले तदर्थ समितिका अध्यक्ष न्यौपानेलाईनै प्रथम साधारण सभा तथा अधिवेशन बाट निर्विरोध रुपमा अध्यक्ष चयन गरेको हो । यस्तै सहकारीको उपाध्यक्षमा हरि प्रसाद पौडेल, सचीव बलराम अर्याल, कोषाध्यक्ष प्रेम विनोद तिवारी चयन हुनुभएको छ। सदस्यहरुमा सीता दवाडी, सरिता आचार्य, पार्वती देवकोटा छविलाल दहाल र तिर्थराज न्यौपाने चयन हुनुभएको निर्वाचन समितिका संयोजक तोयानाथ धितालले बताउनु भयो । उहाँका अनुसार सदस्य दाहाल र न्यौपाने भने निर्वाचन बाट विजयी हुनुभएको थियो । अन्य जिम्मेवारीमा सर्वसमत भएको भएपनि सदस्य पदको लागि निर्वाचन भएको हो । यस्तै सहकारीले लेखराम सोती लेखा समिति संयोजक रहने गरी महेश्वर सापकोटा र नवराज अधिकारीको सदस्यतामा तीन सदस्य लेखासमिती चयन गरेको छ ।
वडाका किसानहरुलाई रासायनिक मल भएपछि यहाँका वडा बासीकै सक्रियतामा मल लगायत कृषि अनुदान र यन्त्र वडामा भित्राउन यो सहकारी स्थापन गरिएको हो । निर्वाचीत अध्यक्ष न्यौपानेले कृषीको क्षेत्रमा सहकारी मार्फत जिल्लामानै नमुना काम गर्ने बताउनु भयो ।