काठमाडौं– पछिल्लो २४ घण्टामा नेपालमा ३ हजार ४ सय ८१ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ९ सय ७ पीसीआर परीक्षणमा २ हजार ६ सय १६ जनामा संक्रमण पुष्टि भएको हो ।
यस्तै एन्टिजेन विधिबाट ५ हजार ७ सय ४९ गरिएको परीक्षणमा ८ सय ६५ जनामा संक्रमण पुष्टि भएको छ ।
काठमाडौंमा ६ सय ६३ ललितपुरमा १ सय ९२ र भक्तपुरमा १ सय ९ गरी काठमाण्डौं उपत्यकामा ९ सय ६४ जना संक्रमित थपिएका छन् । २४ घण्टामा थप १ हजार ८ सय ८५ जना संक्रमणमुक्त भएका छन् । योसँगै निको हुनेको संख्या ६ लाख ७५ हजार ८३ पुगेको छ ।
होम आइसोलेशनमा ३४ हजार ८ सय १३ र संस्थागत आइसोलेशनमा ३ हजार २ सय २० गरी मुलुकभर सक्रिय संक्रमितको संख्या ३८ हजार ३३ रहेको मन्त्रालयको तथ्यांकमा उल्लेख छ । मुलुकका विभिन्न अस्पतालको आइसीयुमा ७ सय ९६ र भेन्टिलेटरमा एक सय ८४ जना उपचाररत छन् ।
पछिल्लो २४ घण्टामा सबैभन्दा धेरै २१ देखि ३० वर्ष उमेर समूहका ६ सय ६४ जनामा कोरोना भाइरस संक्रमण पुष्टि भएको मन्त्रालयले जनाएको छ ।
नेपालमा कोरोना संक्रमणबाट थप ३० जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या १० हजार १ सय ८० पुगेको छ ।