काठमाडौं– धादिङ निलकण्ठ नगरपालिकास्थित सब–डिभिजन कार्यालयका प्रमुख कृष्णप्रसाद पौडेल घुस रकमसहित पक्राउ परेका छन् ।

उनलाई अख्तियार दुरुपयोग अनुसन्धान आयोगको टोलीले नियन्त्रणमा लिएको हो । उनको साथबाट ४० हजार रुपैयाँ बरामद भएको अख्तियारले जनाएको छ ।

चिरान काठसम्बन्धी मुद्दा मिलाइदिने भन्दै उनले घुस मागेको सूचनाका आधारमा कार्यालयबाटै नियन्त्रणमा लिइएको अख्तियारका प्रवक्ता नारायणप्रसाद रिसालले जानकारी दिए । उनका अनुसार पौडेलमाथि थप अनुसन्धान भइरहेको छ ।