काठमाडाैं : जनता समाजवादी पार्टीका वरिष्ठ नेता अशोक राई बालकाेटबाट बाहिरिएका छन। एमाले अध्यक्ष केपी शर्मा ओलीको निवास बालकाेटमा चारदलबीचकाे छलफलबाट बाहिरिएका हुन।

उनी पार्टीमा छलफल गर्ने भन्दै बाहिरिएका हुन् । पत्रकारहरुसँग कुरा गर्दै राईले भने, ‘म छलफल गर्न हिँडेको । हाम्रो संसदीय दलको नेता पनि नछानिएकाले पार्टीमा छलफल गर्नुपर्छ ।’

बैठकमा सरकार निर्माणको विषयमा छलफल भएको र बालकोट बैठकमा सहभागी दलकै गठबन्धन बन्नेजस्तो देखिएको राईले बताए । जसपाको बैठक आइतबार दिउँसो नै बस्दैछ ।

बालकोटमा भएकाे चार दलकाे बैठकमा नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र जनता समाजवादी पार्टीका नेताहरु सहभागी छन्।