काठमाडौं- सरकारले पाँच सचिवको सरुवा गरेको छ। शुक्रबारको मन्त्रिपरिषद् बैठकले उनीहरूको सरुवा गरेको हो।

प्रधानमन्त्री कार्यालयका सूर्य गौतमलाई युवा तथा खेलकुद मन्त्रालय, खेलकुदका डा. दामोदर रेग्मीको प्रधानमन्त्री कार्यालयको अतिरिक्त समूहमा सरुवा गरिएको छ। केही दिनअघि सरुवा भई अतिरिक्तमा रहेका सुमनराज अर्याललाई त्यहीं पदस्थापन गरिएको छ।

प्रधानमन्त्री कार्यालयका कानून सचिव धनराज ज्ञवालीलाई कानून, न्याय तथा संसदीय मामिला मन्त्रालयमा सरुवा गरिएको छ। कानूनका उदयराज सापकोटालाई प्रधानमन्त्री कार्यालयमा पठाइएको छ।