कास्की- पोखराको लेखनाथमा माइक्रोबसको ठक्करबाट एक वृद्धाको मृत्युु भएको छ।

बुधबार साँझ शिसुवा चोकमा ग१ख ६८३० नम्बरको माइक्रोबसले ठक्कर दिएपछि गम्भीर घाइते भएकी पोखरा–३१ मोहोरिया निवासी ७८ वर्षकी देवकला बन्जाराको मृत्यु भएको हो।

पैदलयात्रा गरिरहेको अवस्थामा बसले बन्जारालाई बसले ठक्कर दिएको थियो। गम्भीर घाइते उनको पश्चिमाञ्चल क्षेत्रीय अस्पतालमा उपचार गर्दागर्दै मृत्यु भएको प्रहरीले जनाएको छ। बस चालक प्रहरी नियन्त्रणमा छन्।