भारतको विपक्षी गठबन्धनले आगामी राष्ट्रपतिका लागि प्रस्ताव गरेका फारुक अब्दुल्लाले उम्मेदवार बन्न अस्वीकार गरेका हुन्। उनी जम्मू कश्मीरका पूर्वमुख्यमन्त्री हुन्।
यसअघि नेसनलिस्ट कंग्रेस पार्टीका अध्यक्ष शरद पवारले पनि राष्ट्रपति उम्मेदवार बन्न अस्वीकार गरेका थिए।
सक्रिय राजनीतिमै धेरै काम गर्न बाँकी रहेको उल्लेख गर्दै अब्दुल्लाले आफू राष्ट्रपतिको उम्मेदवार नबन्ने बताएका हुन्। र, जम्मू कश्मीरलाई यस कठिन घडीमा आफ्नो आवश्यकता रहेको उनले बताए।
उनी अहिले संसदको उपल्लो सदन लोकसभा सदस्य छन्। र, नेसनल कन्फरेन्सका प्रमुख पनि छन्।
विपक्षी दलहरूले आफ्नो नाम प्रस्ताव गरेकामा फारुकले धन्यवाद दिएका छन्। उनलाई पश्चिमबंगालकी मुख्यमन्त्री तथा तृणमुल कंग्रेसकी अध्यक्ष ममता बनर्जीले राष्ट्रपति उम्मेदवारका रूपमा प्रस्ताव गरेकी थिइन्।
अब विपक्षी दलहरूले अगाडि सारेका गोपालकृष्ण गान्धी मात्र राष्ट्रपतिका प्रस्तावित उम्मेदवार बाँकी छन्। उनी पूर्वकूटनीतिज्ञ तथा पश्चिमबंगालका पूर्वगभर्नर हुन्।