संयुक्त राष्ट्रसंघको नवौँ विश्व समुद्र दिवसको अवसरमा आयोजित तस्बिर प्रतियोगिता विजेताहरूको नाम घोषणा गरिएको छ।

त्यसमा ‘ल्यान्डस्केप अन वाटर’ क्याटेगोरीमा पहिलो पुरस्कार जित्यो भियतनामका नुयेन वूको तस्बिर ‘ओसन लोटस लिभ’ले। यो तस्बिरमा कुआङ प्रान्तको समुद्रमा माछा मार्ने मछुवारको चुनौति देख्न सकिन्छ।

यो प्रतियोगिता हरेक वर्ष ८ जुनमा आयोजना हुन्छ। यस वर्ष पुरस्कार विजेताहरूको नाम घोषणा गर्न न्युयोर्कमा विशेष समारोह आयोजना गरिएको थियो।

यस वर्ष ‘रिभाइटलाइजेसन : कलेक्टिभ एक्सन फर दी ओसन’ अर्थात् ‘पुनरुद्धार : समुद्रलाई बचाउने सामूहिक कोशिस’मा ६ क्याटेगोरी सामेल गरिएको थियो। मार्चमा शुरु भएको प्रतियोगितामा संसारभरका फोटोग्राफर्ससँग समुद्रलाई सुन्दर देखाउने, पानीसँग जोडिएको जीवन र त्यसको आवश्यकता देखाउने तस्बिर मागिएको थियो।

बीबीसीबाट